Níl táirgí sa chiseán agat
Scéal eachtraíochta den chéad scoth ina shníomhtar samhlaíocht agus ard-cheardaíocht le chéile chun scéal an déagóra Damien a chur inár láthair. Céard is bunús leis na heachtraí mistéireacha a thiteann amach le linn dó tréimhse an tsamhraidh a chaitheamh ag obair in óstán diamhrach i gceartlár Pháras? Cá bhfios? Ach tá seo cinnte: ní mar an gcéanna é saol Damien riamh ina dhiaidh. Ní mar an gcéanna ach an oiread é saol an léitheora a thugann faoin nóibhille neamhghnách seo a léamh, bíodh sé ina dhéagóir nó ina dhuine fásta. Eachtra fáis, eachtra fuascailte, eachtra a chuireann orainn ár bpeirspictíochtaí ar céard is réalachas ann a athbhreithniú.
